57 canlyniad ar gyfer
Beaches in Pembrokeshire
Traeth Niwgwl
Anferthol! Dyna’r unig air i ddisgrifio’r traeth hwn; mae yma bron i 2 filltir o dywod a llethr anferth o gerrig mân a ffurfiwyd gan storm FAWR ym 1859.
Bae Caerfai
Ar lanw uchel mae hwn yn fae bychan creigiog, wedi’i wasgu rhwng dau glogwyn uchel filltir i’r de o Dyddewi. Mae’r creigiau o gwmpas Caerfai’n gymysgedd amryliw o lwyd, gwyrdd a phinc llachar.
Harbwr Solfach
Ar lanw uchel, mae’r traeth yn stribed cul ar ben y gilfach ond ar lanw isel mae’r harbwr yn hollol sych oni bai am nant sy’n llifo drwy’r canol, lle gallwch gael oriau o bleser yn dal pysgod, berdys a chrancod.
Traeth Porthselau
Bae bach tywodlyd hyfryd. Mae goleddf graddol i’r môr felly dylai fod yn ddigon diogel ar gyfer nofio, er ei fod yn greigiog mewn mannau.
Bae Church Doors
Bae bychan o dywod a chreigiau gyda ‘drws’ anferth wedi’i gerfio allan o’r clogwyni anhygoel gan ryferthwy’r môr.
Traeth Pwllgwaelod
Bae bychan o dywod a graean tywyll yn edrych ar draws y bae tuag at Abergwaun.
Traeth Cwm-yr-Eglwys
Bae bychan tywodlyd â nant yn llifo drwyddo. Mae digon o byllau glan môr i chwilotwyr dewr ac mae’n boblogaidd gyda rhai sydd â chychod gan fod clwb cychod yn y pentref.
Traeth Freshwater East
Bae llydan o dywod euraid gyda thwyni tywod, a nant yn llifo drwy’r traeth yn y pen deheuol.
Traeth De Aberllydan
Bae llydan, tywodlyd gyda thwyni tywod sy’n arwain o lynnoedd Bosherston yr Ymddiriedolaeth Genedlaethol. Pan fydd y llanw’n isel mae hwn yn draeth anferth o dywod meddal, ac felly mae digon o le i bawb.
Bae Dwyrain Angle
Bae o fflatiau tywod a llaid sy’n cael fawr iawn o ymwelwyr. Mae hon yn ardal fwydo bwysig i adar hirgoes ac felly mae’n lle perffaith i wylio adar.
Traeth Porthmelgan
Cildraeth bach tywodlyd â chlogwyni o’i amgylch, i’r gogledd o Borth Mawr. Dim ond oddi ar lwybr yr arfordir y gallwch ei gyrraedd.
Traeth Aber Bach
Cilfach fechan dywodlyd a chreigiog sydd bob amser â thywod, boed ar lanw uchel neu isel. Mae’n fan poblogaidd ar gyfer cychod gan fod llithrfa i’r traeth.
Bae Ceibwr
Cilfach fechan o greigiau a thywod wedi’i hamgylchunu gan glogwyni uchel. Mae hwn yn draeth gwirioneddol wyllt ac anghysbell. Nid yw’n lle da i nofio ond mae’n dda ar gyfer gwylio llamhidyddion.
Harbwr Abercastell
Cilfach gul hyfryd sydd wedi ei chysgodi rhag y prif wyntoedd, sy’n ei gwneud yn ddelfrydol ar gyfer caiacwyr a chychod.
Traeth Nolton Haven
Cilfach gul o gerrig mân a thywod ar lanw uchel ond ar lanw isel, traeth hir a chul gyda chlogwyni uchel.
Traeth Saundersfoot
Cyrchfan fechan ond poblogaidd iawn, gyda phob cyfleuster y gallech fod ei angen.
