Aberdaugleddau i Dale
Taith gerdded eithaf rhwydd heb unrhyw elltydd serth.
Aberdaugleddau i Dale
Mae’r rhan yma o’r llwybr yn mynd â chi heibio canolfan ddiwydiannol Sir Benfro, purfa LNG, cyn dychwelyd i gefn gwlad.
Wrth nesáu at Sandy Haven, gwnewch yn siwr eich bod wedi edrych ar amseroedd y llanw gan nad oes modd defnyddio’r ffordd ar draws y Pill ar lanw uchel, ac mae’r gwyriad yn golygu cerdded ryw 4 milltir i mewn i’r tir.
Yma, mae llwybr yr arfordir yn mynd heibio i fae hardd Lindsway a phorth bychan Monks Haven, cyn cyrraedd fflatiau llaid y Gann, ger Dale. Mae’r Gann yn lle gwych i wylio adar, felly cofiwch ddod â binocwlars.
Data llwybrau:
200 ft
Glaswellt a ThywodLleoliad A
Lleoliad B
Gwybodaeth Allweddol
Route:
- Gan ddechrau o’r marina, croeswch y bont a throwch i’r chwith ar St Anne’s Road
- Dilynwch lwybr mor syth â phosibl trwy Hakin
- Wedi i chi fynd heibio’r ysgol, trowch i’r chwith ac i lawr i Fae Gelliswick
- Mae’r llwybr yn dringo’r ochr draw, heibio i ychydig o dai a’r burfa nwy naturiol cyn cyrraedd Sandy Haven
- Dim ond am ryw 2½ awr o boptu’r llanw isel y mae sicrwydd o allu croesi’r sarn yn Sandy Haven. Os byddwch yn cyrraedd ar yr adeg anghywir, bydd yn rhaid i chi gerdded ryw 4 milltir ychwanegol! Gwiriwch amseroedd y llanw
- Mae golygfeydd gwych ar hyd y rhan nesaf o’r daith, gan gynnwys traeth hardd Lindsway, yn enwedig ar lanw isel
- Os oes gennych amser dringwch i lawr i’r traeth, cyn dal i fynd tuag at draeth bach creigiog Monk Haven. Mae ambell i adeilad difyr i’w gweld ar y ffordd yno
- Yn Musselwick, ewch i lawr i’r traeth cyn gynted ag y gallwch chi, ac ewch ar hyd y traeth tuag at y Gann, sy’n lle gwych i wylio adar
- Dim ond am 3½ awr o boptu llanw isel y mae modd croesi’r Gann, ond dim ond 2 filltir o wyriad sydd y tro yma!
- Ewch ar hyd y grib o gerrig mân, ac yna ar hyd y ffordd i Dale
- Os ydych yn ansicr, dilynwch yr arwyddion mesen sy’n dangos ble mae’r llwybr
Hygyrchedd
Er bod Sir Benfro yn cynnig amrywiaeth o deithiau cerdded golygfaol ar gyfer pob gallu, nid yw pob llwybr yn sicr o fod yn gwbl hygyrch. Os ydych chi neu rywun yn eich grŵp yn defnyddio cadair olwyn, sgwter symudedd, neu bram, mae digon o lwybrau hygyrch, golygfannau, atyniadau a thraethau i'w mwynhau o hyd.
I gael y profiad gorau, cynlluniwch ymlaen llaw drwy wirio canllawiau hygyrchedd neu gysylltu â sefydliadau lleol, fel Parc Cenedlaethol Arfordir Penfro a’r Prosiect Walkability. Mae llawer o draethau hefyd yn cynnig rampiau concrit a Chadeiriau Olwyn Traeth ar gyfer mynediad haws.
Sicrhewch eich bod yn casglu gwybodaeth berthnasol ymlaen llaw i sicrhau profiad diogel a phleserus i bawb.
