18 October 2024
Mae gan Barc Cenedlaethol Sir Benfro rai o’r glannau mwyaf trawiadol ac amrywiol yn y DU, ac mae Gwobrau Arfordir Cymru yn chwarae rhan bwysig i warchod yr amgylchedd morol drwy reoli Gwobr y Faner Las a Gwobr yr Arfordir Glas. I ennill un o'r gwobrau uchel eu bri hyn, rhaid i draeth gyrraedd a chynnal y safonau amgylcheddol uchaf a chyrraedd targedau ansawdd dŵr llym.
Traeth Gogledd Dinbych-y-pysgod
Traethau Baner Las
Mae'r Faner Las eiconig yn un o wobrau gwirfoddol mwyaf cydnabyddedig y byd ar gyfer traethau, ac ar hyn o bryd mae deg ohonynt yn Sir Benfro. Cânt eu dyfarnu gan Reithgor Rhyngwladol y Faner Las, sy'n cyfarfod ddwywaith y flwyddyn ac sy'n cynnwys amgylcheddwyr, cadwraethwyr ac achubwyr bywyd a benodir gan y Sefydliad Addysg Amgylcheddol (FEE). Nod y sefydliad dielw hwn yw hyrwyddo datblygu cynaliadwy ledled y byd, ac yng Nghymru, mae Cadwch Gymru’n Daclus yn cefnogi’r broses hon.
Yn falch o chwifio’r Faner Las yn 2024:
- Gogledd Dinbych-y-pysgod
- De Dinbych-y-pysgod
- Castell Dinbych-y-pysgod
- Niwgwl
- Saundersfoot
- Dale
- Traeth Mawr
- Neuadd Coppet
- Traeth Poppit
- Aberllydan (Gogledd)
Poppit Sands
Gwobrau Arfordir Glas
Yn ogystal â gwobrau'r Faner Las, mae saith o draethau Sir Benfro hefyd wedi derbyn Gwobr Arfordir Glas, sy'n cydnabod amgylchedd glân, ansawdd dŵr rhagorol a harddwch naturiol.
Enillwyr balch Gwobr Arfordir Glas yn 2024:
- Abereiddi
- Freshwater East
- Maenorbŷr
- Penalun
- Caer-fai
- Druidstone
- Bae Gorllewin Angle
Darganfyddwch fwy am draethau Sir Benfro, gan gynnwys y rhai sy'n croesawu cŵn gydol y flwyddyn.
Caerfai
