Mae St Florence yn bentref hudolus ac yn un o gyn-enillwyr gwobr enwog Wales in Bloom. Mae’r lle’n llawn o fythynnod tlws, gan gynnwys un sydd â hen simdde Ffleminaidd, yr olaf o’i fath yn yr ardal, yn ogystal ag eglwys ddiddorol o’r 13eg Ganrif.
Dinbych-y-pysgod yw’r orsaf rheilffordd agosaf. Mae gwasanaeth bws yn cysylltu St Florence gyda Chaeriw a Dinbych-y-pysgod tua 6 – 7 gwaith y dydd.
Wedi i’r Normaniaid feddiannu de Sir Benfro yn y 12fed ganrif, daeth y brenin ag ymsefydlwyr o Fflandrys yno wedi iddynt golli eu tiroedd i’r môr. Y bwriad oedd iddynt weithredu fel byffer rhwng y Normaniaid yn ne Sir Benfro a’r Cymry yn y gogledd. Mae olion y Ffleminiaid wedi goroesi yn St Florence ar ffurf simdde Ffleminaidd ar un o’r hen dai. Mae’n debyg y byddai’r boblogaeth wedi bod yn gymysgedd o Normaniaid, Gwyddelod, Scandinafiaid a Ffleminiaid, ynghyd ag Eingl-sacsonaidd a rhai o gefndir Cymreig.
Arferai Ieirll Penfro gadw ceirw mewn parc yma, lle mae fferm Wall Park heddiw.
St. Florence
© 2026 Croeso Sir Benfro. Cedwir pob hawl.
