Tre-fin i Ben-caer
Mae’r llwybr yn teimlo’n anghysbell iawn yn yr ardal hon, yn enwedig wrth i chi nesáu at Ben-caer.
Tre-fin i Ben-caer
Mae sawl traeth ardderchog ar y daith, gan gynnwys traeth Abercastell sy’n boblogaidd ar gyfer chwaraeon dŵr ac yn enwog am mai yma y glaniodd Alfred Johnson ar ddiwedd y daith unigol gyntaf erioed ar draws yr Iwerydd, o’r Gorllewin i’r Dwyrain, ar y 12fed o Awst, 1876!
Traethau bach anghysbell o gerrig mân yw traethau Abermawr ac Aberbach, ac maent yn fannau gwych i wylio morloi.
Oddi yno, mae’r clogwyni’n codi’n serth iawn, gan wneud y llwybr yn eithaf anodd. Wrth i chi gyrraedd Pwll Deri, cofiwch fynd at yr hostel ieuenctid er mwyn gweld y golygfeydd anhygoel sydd oddi yno.
Mae hi lawr allt wedyn, mwy neu lai yr holl ffordd i Ben-caer a’r goleudy.
Data llwybrau:
200 ft
Glaswellt a ThywodLleoliad A
Lleoliad B
Gwybodaeth Allweddol
Route:
- Gadewch eich car ym Mhen-caer cyn dal Gwibiwr Strwmbwl i’r bae bychan sydd i’r gorllewin o Dre-fin
- Dilynwch Lwybr yr Arfordir ar hyd y clogwyni uchel tuag at fae bach hynod Abercastell
- Ychydig cyn i chi gyrraedd y traeth, ewch i mewn i’r tir am ychydig er mwyn gweld meini enfawr cromlech Carreg Samson. I’r gorllewin o Abercastell, mae’r arfordir yn arw ac yn ddiddorol. Cyn hir, byddwch yn cyrraedd traeth tawel Abermawr, traeth cysgodol sy’n dal yr haul. Yn y gwanwyn, ewch am dro trwy’r coed i weld clychau’r gog
- Yn ôl y chwedl, heibio’r tro yn Aberbach y daliodd ffermwr lleol fôr-forwyn
- Ychydig heibio i draeth Pwllcrochan (allwch chi ddim mynd iddo), mae’r llwybr yn dringo i’r grib uwchben Pwll Deri. Mae golygfeydd gwych oddi yma.
- Cyn i chi gyrraedd yr hostel ieuenctid ym Mhwll Deri, gallwch gerdded drwy’r hen fferm sydd ar dde er mwyn dringo i ben y Garn Fawr. Mae’n serth, ond mae’r golygfeydd dros benrhyn Pen-caer werth eu gweld
- Mae’r llwybr at y goleudy yn garegog gydag ambell i lechwedd, ond mynd am i lawr mae’r rhan hon ar y cyfan.
- Mae cwm bach hyfryd yn llawn cyrs ychydig cyn diwedd y daith
- Mae Pen-caer yn lle gwych i weld adar môr, yn enwedig yn y gwanwyn a’r hydref pan fydd adar mudol yn gorffwyso yn ystod eu taith. Mae hefyd yn lle gwych i wylio llamhidyddion
- Erbyn hyn byddwch yn falch iawn eich bod wedi gadael y car yn gynharach – does dim angen disgwyl am fws!
- Os ydych yn ansicr, dilynwch yr arwyddion mesen sy’n dangos ble mae’r llwybr
Hygyrchedd
Er bod Sir Benfro yn cynnig amrywiaeth o deithiau cerdded golygfaol ar gyfer pob gallu, nid yw pob llwybr yn sicr o fod yn gwbl hygyrch. Os ydych chi neu rywun yn eich grŵp yn defnyddio cadair olwyn, sgwter symudedd, neu bram, mae digon o lwybrau hygyrch, golygfannau, atyniadau a thraethau i'w mwynhau o hyd.
I gael y profiad gorau, cynlluniwch ymlaen llaw drwy wirio canllawiau hygyrchedd neu gysylltu â sefydliadau lleol, fel Parc Cenedlaethol Arfordir Penfro a’r Prosiect Walkability. Mae llawer o draethau hefyd yn cynnig rampiau concrit a Chadeiriau Olwyn Traeth ar gyfer mynediad haws.
Sicrhewch eich bod yn casglu gwybodaeth berthnasol ymlaen llaw i sicrhau profiad diogel a phleserus i bawb.
