Nolton Haven i Gaerfai
Dyma un o rannau mwyaf poblogaidd Llwybr yr Arfordir, a does dim syndod am hynny.
Nolton Haven i Gaerfai
Mae cymaint o olygfeydd i’w gweld yn y rhan yma. Efallai mai’r gorau honynt yw’r olygfa wrth i chi nesáu at draeth Niwgwl, pan fydd dwy filltir o dywod euraid (os nad yw hi’n llanw uchel!) yn ymestyn o’ch blaen wrth i chi fynd heibio i Rickets Head.
O Niwgwl, mae’n dipyn o daith, gyda’r llwybr yn esgyn ac yn disgyn yn serth sawl gwaith cyn cyrraedd Y Gribin yn Solfach. Yno mae golygfeydd gwych o’r harbwr a’r arfordir hyd at Dyddewi. Mae Solfach yn lle perffaith i gael seibiant bach a mwynhau’r golygfeydd.
Data llwybrau:
200 ft
Glaswellt a ThywodLleoliad A
Lleoliad B
Gwybodaeth Allweddol
Route:
- Mae’r allt allan o Nolton Haven yn ddigon hawdd ond peidiwch da chi â thybio mai fel yma y bydd hi am weddill y daith
- Ychydig heibio i ‘dwmpath’ neilltuol Rickets Head, mae’r llwybr yn disgyn i mewn i bant lle welwch chi hen simdde – unig olion pwll glo a arferai fod yma
- Dringwch allan o’r pant yr ochr arall, ac i lawr y llethr graddol i draeth Niwgwl
- Os yw’r llanw allan, gallwch gerdded yr holl ffordd i Gwn Mawr ar hyd y traeth, ond gall fod yn anodd croesi’r afon sydd wrth y pentref, hyd yn oed yn y man ble mae hi’n cwrdd â’r môr
- Y ffordd orau o groesi yw dringo’r llethr o gerrig mân sydd ochr draw’r afon, gyferbyn â’r caffi. Os fyddwch yn mynd y ffordd yma, gofalwch na chewch chi eich dal gan y llanw
- Mae’r llwybr arferol yn mynd i fyny allt serth ac yn dod i lawr hyd yn oed yn fwy serth yr ochr draw
- Wedi sawl bryn a phant arall, daw’r llwybr â chi i draeth o gerrig man ychydig cyn pentref Solfach. Mae’r llwybr oddi yma i fyny at Y Gribin yn serth ac yn anodd, ond mae’r olygfa’n arbennig wedi i chi gyrraedd y top
- Dilynwch y grib, heibio’r creigiau ac ar hyd y llwybr coediog ar y chwith
- Cerddwch hyd wal yr harbwr, i’r pen draw; mae grisiau yno sy’n arwain yn ôl i Lwybr yr Arfordir. Pan fydd y llwybr yn fforchio, ewch i’r dde i fyny’r ffordd fwyaf serth. Trowch i’r chwith, a heibio’r tŷ sydd â thŵr
- Edrychwch dros ymyl y clogwyn am olion tri cwch tynnu a ddrylliwyd yma yn 1986
- Caerbwdi, traeth bychan o gerrig mân, sydd nesaf. Y ddringfa nesaf i ben y clogwyn yw’r ddringfa olaf am y dydd, oni bai eich bod am fynd i draeth Caerfai am ychydig o seibiant
- Byddwch yn gwybod eich bod wedi cyrraedd Caerfai gan fod sawl maes gwersylla a maes parcio yno. Mae clogwyni serth o gwmpas y traeth, sy’n wynebu’r de, a fel arfer mae’n le da i ddal yr haul
- Cyn hir byddwch yn cyrraedd gweddillion rhagfur hen gaer pentir, ychydig cyn i’r llwybr ddechrau am i lawr tuag at Borth y Rhaw
- Ewch ar y ffordd, i mewn i’r tir, i gyrraedd Tyddewi ac Oriel y Parc
- Os ydych yn ansicr, dilynwch yr arwyddion mesen sy’n dangos ble mae’r llwybr
Hygyrchedd
Er bod Sir Benfro yn cynnig amrywiaeth o deithiau cerdded golygfaol ar gyfer pob gallu, nid yw pob llwybr yn sicr o fod yn gwbl hygyrch. Os ydych chi neu rywun yn eich grŵp yn defnyddio cadair olwyn, sgwter symudedd, neu bram, mae digon o lwybrau hygyrch, golygfannau, atyniadau a thraethau i'w mwynhau o hyd.
I gael y profiad gorau, cynlluniwch ymlaen llaw drwy wirio canllawiau hygyrchedd neu gysylltu â sefydliadau lleol, fel Parc Cenedlaethol Arfordir Penfro a’r Prosiect Walkability. Mae llawer o draethau hefyd yn cynnig rampiau concrit a Chadeiriau Olwyn Traeth ar gyfer mynediad haws.
Sicrhewch eich bod yn casglu gwybodaeth berthnasol ymlaen llaw i sicrhau profiad diogel a phleserus i bawb.
