Lydstep i Sant Gofan
lwybr amrywiol a hardd iawn sy’n cynnwys rhai o draethau gorau’r Sir ac ambell i safle hanesyddol.
Lydstep i Sant Gofan
Mae cromlech hynafol Kings Quoit i’w gweld ar y llwybr ychydig cyn i chi gyrraedd Maenorbŷr, a chastell Maenorbŷr hefyd wrth gwrs. Wrth ddilyn llwybr yr arfordir ymhellach, byddwch yn cyrraedd ystâd Ystangbwll a adeiladwyd gan deulu Cawdor ond sydd bellach dan ofal yr Ymddiriedolaeth Genedlaethol, yn ogystal â chapel hudolus Sant Gofan, encil meudwy sy’n glynu wrth y clogwyni ym mhen draw’r rhan hon o’r daith.
Mae traethau Barafundle a De Aberllydan yn llecynnau perffaith i gael cinio neu i wlychu’ch traed yn y dŵr.
Does dim elltydd serth iawn yn y rhan yma o’r llwybr, ond mae’n ddigon caled serch hynny.
Data llwybrau:
200ft
Glaswellt a ThywodLleoliad A
Lleoliad B
Gwybodaeth Allweddol
Route:
- Dechreuwch o faes parcio Lydstep Head sydd uwchben maes carafanau Lydstep Haven
- Wedi hanner milltir o gerdded, ewch i lawr y grisiau ar y chwith, i lawr dyffryn sych. Mae’n arwain at draeth llanw isel ardderchog gydag ogofâu
- Wedi dychwelyd i’r llwybr, ewch yn eich blaen heibio’r hostel ieuenctid a Skrinkle Haven – traeth nad oes modd ei gyrraedd
- Mae’r llwybr yn gwyro er mwyn osgoi gwersyll y fyddin ym Maenorbŷr, ond mae arwyddion amlwg i’ch arwain
- Ewch ymlaen tua thraeth Maenorbŷr, heibio siambr gladdu King’s Quoit
- Mae’r llwybr eithaf anodd hwn yn esgyn a disgyn cyn cyrraedd bae diarffordd Swanlake, ac yna ymlaen i Freshwater East (caffi, bwyty, a thoiledau)
- Mae’n bosibl sgrialu i lawr i ben dwyreiniol traeth Freshwater East os yw’r llanw allan
- Ewch tuag at y llithrfa, ar hyd y ffordd am ychydig o droedfeddi ac yna ar lwybr coediog yn ôl i ben y clogwyn
- Mae llwybr cymharol wastad yn mynd tuag at Gei Ystangbwll (caffi a thoiledau)
- Dringwch i fyny ac i lawr eto cyn cyrraedd traeth anhygoel Barafundle
- Mae’r llwybr rhwydd yma i Bentir Ystangbwll yn parhau ar y gwastad yr holl ffordd i Sant Gofan, oni bai am un rhan ble mae’n mynd i lawr i draeth de Aberllydan
- Os y gallwch chi, dringwch dros y creigiau a cherddwch ar y traeth, neu ewch am dro at y llynnoedd cyfagos yn Bosherston os oes amser
- Dringwch y grisiau sydd ar ochr bellaf y traeth (toiledau a fan hufen iâ)
- I’r gorllewin, mae traeth llanw isel hyfryd Trevallen
- Os yw’r meysydd tanio ar gau, ni allwch fynd ymhellach. Ffoniwch 01646 662367 am wybodaeth
- Mae’n daith hamddenol i Drwyn Sant Gofan oddi yma, a dyw’r capel fawr pellach
- Trowch oddi wrth y môr yn fan hyn er mwyn cyrraedd pentref Bosherston
- Os ydych yn ansicr, dilynwch yr arwyddion mesen sy’n dangos ble mae’r llwybr
Hygyrchedd
Er bod Sir Benfro yn cynnig amrywiaeth o deithiau cerdded golygfaol ar gyfer pob gallu, nid yw pob llwybr yn sicr o fod yn gwbl hygyrch. Os ydych chi neu rywun yn eich grŵp yn defnyddio cadair olwyn, sgwter symudedd, neu bram, mae digon o lwybrau hygyrch, golygfannau, atyniadau a thraethau i'w mwynhau o hyd.
I gael y profiad gorau, cynlluniwch ymlaen llaw drwy wirio canllawiau hygyrchedd neu gysylltu â sefydliadau lleol, fel Parc Cenedlaethol Arfordir Penfro a’r Prosiect Walkability. Mae llawer o draethau hefyd yn cynnig rampiau concrit a Chadeiriau Olwyn Traeth ar gyfer mynediad haws.
Sicrhewch eich bod yn casglu gwybodaeth berthnasol ymlaen llaw i sicrhau profiad diogel a phleserus i bawb.
