Angle i Benfro
Mae’r rhan yma’n hawdd ac yn wastad ar y cyfan.
Angle i Benfro
O Angle, mae’r llwybr yn mynd heibio bae Dwyrain Angle, dros aber sawl afon, a heibio i faeau llonydd sy’n hafan i fywyd gwyllt – felly cofiwch eich binocwlars a’ch llyfr adar!
Wedyn, aiff y llwybr drwy ran ddiwydiannol Sir Benfro, heibio’r purfeydd olew, cyn ymlwybro hyd glan afon Penfro i mewn i’r dref.
Ac mae’r rhan hon yn dod i ben yng Nghastell Penfro, castell mawreddog uwchlaw’r dref. Yma ganwyd Harri VII, a theulu brenhinol y Tuduriaid.
Data llwybrau:
200ft
Glaswellt a ThywodLleoliad A
Lleoliad B
Gwybodaeth Allweddol
Route:
- O bentref Angle, ewch trwy’r maes chwarae plant ac edrychwch ar y Tŷ Tŵr, tŵr caerog canol oesol
- Trowch i’r dde, dros y bont, a dychwelyd i’r ffordd
- Trowch i’r chwith i lawr ffordd goediog hyfryd sy’n dilyn ymyl Bae Dwyrain Angle
- Pan ddaw’r ffordd i ben ewch ymlaen ar y llwybr trwy’r coed
- Wrth gerdded heibio’r bae, cadwch olwg am ylfinirod ac adar hirgoes eraill
- Ochr draw i’r bae, byddwch yn cyrraedd ffordd darmac arall sy’n arwain tuag at burfa Chevron. Mae hwn yn safle diddorol dros ben, er nad yw’n gweddu’r cefn gwlad sydd o’i amgylch
- Byddwch yn mynd heibio Caer Popton, a adeiladwyd yn oes Napoleon i amddiffyn porthladd y Llynges Frenhinol yn Noc Penfro
- Yna, bydd y llwybr yn mynd i mewn i’r tir ryw ychydig a heibio Eglwys Pwllcrochan. Edrychwch ar y llwybrau pren a’r byrddau gwybodaeth yma
- Nawr mae’r llwybr yn ymdroelli hyd ymyl yr aber, weithiau ar y ffordd, dro arall oddi arni, nes cyrraedd Penfro
- Os ydych yn ansicr, dilynwch yr arwyddion mesen sy’n dynodi’r llwybr
Hygyrchedd
Er bod Sir Benfro yn cynnig amrywiaeth o deithiau cerdded golygfaol ar gyfer pob gallu, nid yw pob llwybr yn sicr o fod yn gwbl hygyrch. Os ydych chi neu rywun yn eich grŵp yn defnyddio cadair olwyn, sgwter symudedd, neu bram, mae digon o lwybrau hygyrch, golygfannau, atyniadau a thraethau i'w mwynhau o hyd.
I gael y profiad gorau, cynlluniwch ymlaen llaw drwy wirio canllawiau hygyrchedd neu gysylltu â sefydliadau lleol, fel Parc Cenedlaethol Arfordir Penfro a’r Prosiect Walkability. Mae llawer o draethau hefyd yn cynnig rampiau concrit a Chadeiriau Olwyn Traeth ar gyfer mynediad haws.
Sicrhewch eich bod yn casglu gwybodaeth berthnasol ymlaen llaw i sicrhau profiad diogel a phleserus i bawb.
