Er ei fod yn seren opera ffug yn yr hysbysebion yswiriant Go Compare mae Wynne yn ganwr opera proffesiynol â 25 mlynedd a mwy o brofiad, ac roedd ei albwm cyntaf ‘A Song in My Heartwedi cyrraedd Rhif 1 yn y siartiau clasurol.

Dyfarnwyd yr MStJ i Wynne gan Ei Mawrhydi y Frenhines Elizabeth II yn 2008, a dyfarnwyd y BEM iddo yn Rhestr Anrhydeddau'r Jiwbilî Platinwm.

Mae'n gyflwynydd cyson ar BBC Radio Wales ac mae hefyd wedi cyflwyno ar BBC Radio 3 a Classic FM, yn ogystal â serennu yn ei gyfres deledu ei hun ar BBC Un Cymru,Wynne At the Deep End’.

Anrhydeddwyd ef gan yr Eisteddfod Genedlaethol drwy ei urddo yn aelod o Orsedd y Beirdd, a chyflwynodd raglen o’r eisteddfod ar deledu BBC2, a'r llynedd perfformiodd i'r Brenin Siarl III a’r Frenhines Gydweddog Camilla yn eu cartref yng Nghymru.

Ganed Wynne yn Ne Orllewin Cymru, astudiodd yn Ysgol Gerdd a Drama y Guildhall a’r Stiwdio Opera Genedlaethol yn Llundain.

Drwy gydol yr yrfa hon, mae Wynne wedi gweithio yn y Tŷ Opera Brenhinol, Opera De Lyon Paris, a’r Opera Metropolitan yn Efrog Newydd. Canodd ran PIANGI ym mherfformiad pen-blwydd 25 mlynedd y The Phantom of the Opera, a ddarlledwyd yn fyw o'r Royal Albert Hall i sinemâu ledled y byd ac sydd wedi'i ryddhau ar DVD.

Mae ymddangosiadau operatig Wynne Evans wedi mynd ag ef i dai opera mawr yn y DU a thramor. Mae e’n perfformio’n gyson yn y Royal Opera House yn Covent Garden.

Fel prif denor gydag Opera Cenedlaethol Cymruroedd ei rolau niferus yn cynnwys DUCA Rigoletto, RODOLFO La Bohème, ALFREDO La Traviata, a TAMINO The Magic Flute. Mae wedi ymddangos ar lwyfannau ar hyd a lled y DU, gyda chwmnïau megis Opera North, English National Opera, Scottish Opera a Grange Park Opera, ac wedi recordio sawl opera gan gynnwys Salome, Ariadne Auf Naxos a Les Martyrs.

Mae Wynne hefyd yn Ymddiriedolwr Grange Park Operaac yn Noddwr Tŷ Cymorth a Gofal Canser Tenovus.