Os ydych yn mwynhau gwersylla, beth am roi cynnig ar Glampio mewn pabell swanc? Cewch wely go iawn wrth Glampio yn Sir Benfro – dim matresi fydd wedi colli’u gwynt erbyn y bore!

Fyddwch chi ddim angen gwisgo’r holl haenau ychwaith, bydd y stof goed yn eich tipi, eich iwrt, neu’ch geo-ddôm yn eich cadw’n gynnes braf trwy’r oriau mân. Gallwch hyd yn oed ddewis eich hoff faes pebyll ac yna gofyn i rywun arall godi’r babell i chi! Dyma’r ffordd i wersylla!

Neu, gallwch aros mewn pod gwersylla – caban pren bychan bach lle gallwch wylio’r machlud o’ch feranda bersonol cyn noswylio.

Os ddewiswch chi logi fan VW, cewch ddeffro mewn gwahanol wersyll bob dydd, a bydd pob gwersyllwr arall yn eiddigus iawn ohonoch chi!