Ailagor lletygarwch a thwristiaeth yng Nghymru

Dyddiadau pwysig yn ailagor y sectorau lletygarwch a thwristiaeth yng Nghymru

6^fedGorffennaf: llaciwyd cyfyngiadau aros yn lleol, sy’n golygu bod pobl yn gallu symud o gwmpas Cymru

9^fedGorffennaf: adolygiad nesaf Llywodraeth Cymru o’r rheoliadau, i gynnwys dewisiadau ar gyfer ailagor llety gwyliau hunangynhwysol.

11^fed Gorffennaf: ailagor llety gwyliau hunangynhwysol (yn amodol ar gadarnhad yn adolygiad 9^fed Gorffennaf).

Beth yn union yw llety gwyliau hunangynhwysol?

Mae hyn yn cynnwys unrhyw lety sy’n hollol hunangynhwysol, e.e. bythynnod gwyliau, carafanau gwyliau gan gynnwys carafanau teithiol modern a chartrefi modur a pheth llety glampio gyda’u ceginau ac ystafelloedd ymolchi eu hunain na chânt eu defnyddio gan unrhyw westeion eraill.

Hefyd yn y categori hwn:

Gwestai a llety arall gyda gwasanaeth (e.e. lleoliadau gwely a brecwast, hosteli, ac ati) sydd yn darparu ystafelloedd en suite ac sy’n gallu darparu prydau mewn ystafelloedd.

Meysydd carafanau lle mae llety’n hollol hunangynhwysol – ond bydd cyfleusterau ar y cyd yn yr eiddo’n aros ar gau, fel pyllau nofio, cyfleusterau hamdden, adeiladau rhannu cawodydd a thoiledau, golchi dillad ar y cyd, ac ati, a mannau cyhoeddus mewn mathau eraill o lety. Mae hyn yn golygu unrhyw safle carafanau neu deithiol lle mae gan lety unigol ei gyflenwad ei hun o ddŵr ar gyfer cawod, toiled a chegin yn y cerbyd gyda chymhwyso canllawiau’n llym ar rannu mannu gwared gwastraff a thapiau dŵr.

Bydd holl gyfleusterau ar y cyd, heblaw tapiau dŵr a mannau gwared gwastraff, yn aros ar gau gan gynnwys toiledau, cawodydd, golchdai, tai bwyta, clybiau nos, bariau, caffis, ac ati.

^13fed Gorffennaf: Bydd sector croeso Cymru (tafarnau, bariau a thai bwyta – awyr agored yn unig) yn paratoi i ailagor yn yr awyr agored

20^fed Gorffennaf: Fe all buarthau chwarae a champfeydd awyr agored ailagor

25^ain Gorffennaf: Safleoedd gwersylla’n cael ailagor yn amodol ar lwyddiant agor llety hunangynhwysol ar 11^eg Gorffennaf.

27^ain Gorffennaf: Sinemâu, amgueddfeydd ac orielau i ailagor yn amodol ar gadarnhad

3^ydd Awst: Tafarnau, bariau, tai bwyta a chaffis dan do cyn belled â bod yr amgylchiadau’n iawn ac yn amodol ar gadarnhad