Traeth Abereiddi

Mae hwn yn draeth gwledig o gerrig mân a thywod tywyll a grëwyd o lechi llwyd wedi’u malu.

Yr un lechen sy’n rhoi’r lliw glas dwfn a disglair i ddŵr ‘Y Shinc’; harbwr bychan hardd – chwarel wedi’i boddi – i’r gogledd o’r traeth.

Cofiwch bod ceryntau cryf ar draeth Abereiddi. Mae’n fan poblogaidd ar gyfer arfordiro oherwydd gallwch ddringo ar hyd y clogwyni ar lefel y môr gan neidio i’r môr mewn mannau na allwch fynd heibio iddynt. Awgrymir eich bod yn mwynhau arfordiro fel rhan o grŵp wedi ei drefnu (chwiliwch am ddarparwyr arfordiro yma). Mae rhes o adfeilion bythynnod i chi grwydro o’u cwmpas ar hyd ymyl yr hen chwarel.

Os ydych yn bwriadu ymweld, gwiriwch amseroedd y llanw er mwyn gwneud yn siŵr bod gennych ddigon o draeth i chwarae arno ac na fyddwch yn cael ei eich ynysu pan fydd y llanw’n troi!

Gwobrau

Gwobr Arfordir Gwyrdd 2019 a Gwobr Glan Môr (Gwledig) 2019

Beth sydd yn nhraeth Abereiddi?

Parcio

Nifer cyfyngedig o leoedd parcio.

Cyfleusterau

Toiledau, llithrfa.

Cyfleusterau ar yr arfordir

Yn Nhyddewi mae Canolfan Ymwelwyr y Parc Cenedlaethol sydd ar agor drwy’r flwyddyn, nifer o gaffis, tafarndai a bwytai, nifer o siopau diddorol a dewis da o westai, meysydd carafanau, gwely a brecwast a llety hunanarlwyo.

Nodweddion

  • Nofio
  • Byddwch yn Wyliadwrus o Geryntau
  • Canŵio
  • Clogwyni
  • Gwobr Arfordir Gwyrdd
  • Ffôn
  • Pyllau Glan Môr
  • Creigiog
  • Traeth Tywodlyd
  • Lithrfa neu Fan Lansio
  • Gweithgareddau Tanfor
  • Syrffio
  • Toiledau (tymhorol)