Cestyll a threftadaeth yn Sir Benfro
Mae tirwedd Sir Benfro’n frith o bob math o bethau, o feddrodau cynhanesyddol dirgel i gestyll canoloesol a chysegrfeydd crefyddol Celtaidd.
Mae’n debyg mai Castell Penfro a Chastell Caeriw yw cestyll gwychaf Sir Benfro, ac mai Castell Cilgerran, fry uwchben Ceunant Teifi, sydd yn y lleoliad mwyaf dramatig.
Llys esgobion amddifynnol yn hytrach castell go iawn oedd Castell Llanhuadain, sydd â golygfeydd panoramig o’i fylchfuriau. Croes rhwng castell canoloesol a maenordy amddiffynnol yw Castell Pictwn a adeiladwyd gan Syr John Wogan yn y 13eg ganrif, ac mae ei ddisgynyddion yn byw yno hyd heddiw.
Mae Castell Maenorbŷr yn breswylfa farwnol Normanaidd sy’n edrych lawr dros y traeth. Dywedodd Gerallt Gymro mai dyma’r ‘lle mwyaf dymunol yng Nghymru’.