Beth allai fod yn well na chyngerdd clasurol yn Eglwys Gadeiriol odidog Tyddewi neu set acwstig mewn caffi bychan yn edrych dros y môr yn Ninbych-y-pysgod?

Cynhelir gwyliau cerddoriaeth rhyngwladol ledled Sir Benfro, lle mae’r cerddorion a’r unawdwyr gorau’n casglu ynghyd i ddathlu gwaith clasurol a chyfoes yng Ngŵyl Eglwys Gadeiriol Tyddewi a Gŵyl Gerddoriaeth Ryngwladol Abergwaun.

Os mai’r Blŵs a Jazz sy’n mynd â’ch bryd, mae’n rhaid i chi fynd i Ŵyl Blŵs Dinbych-y-pysgod neu Aberjazz yn Abergwaun. Mae artistiaid rhyngwladol o bedwar ban byd yn heidio i’r tafarndai a’r clybiau o ganol dydd hyd hanner nos.

I’r rhai hynny sy’n dwlu ar gerddoriaeth werin, Abergwaun yw’r lle. Yn ogystal â’r Ŵyl Werin a gynhelir yno bob mis Mai, mae tafarndai’r dref a’r ardal yn cynnal nosweithiau gwerin wythnosol anffurfiol. Wyddoch chi byth pwy fydd yn perfformio yno.