Gallwch ddewis traeth euraidd eang, fel Marloes, neu fae diarffordd fel De Aberllydan.  

Yng nghanol tymor yr haf, o Fai 1af hyd ddiwedd Medi, ni chaniateir cŵn yn rai rhannau o’r traethau sydd fwyaf poblogaidd gyda nofwyr (gan gynnwys Poppit, Niwgwl, Aberllydan, Dale, Lydstep, De Dinbych-y-pysgod, Saundersfoot ac Amroth) Ar ddau draeth, Porth Mawr a Gogledd Dinbych-y-pysgod, gan gynnwys traeth yr harbwr, bydd y gwaharddiad yn berthnasol i’r traeth cyfan. Mae gwaharddiad gwirfoddol ar gŵn ar draeth Coppet Hall.  

Mae croeso i gŵn tywys ar holl draethau Sir Benfro trwy gydol y flwyddyn.  

Mae hysbysfyrddau gyda holl fanylion yr is-ddeddfau yn ogystal â mapiau o’r ardaloedd gwahardd i’w cael ar yr holl draethau uchod sy’n gwahardd cŵn. Yn ystod yr haf, mae arwyddion yn cael eu gosod ar y traeth i’ch helpu i adnabod ffiniau’r ardaloedd gwahardd cŵn, neu gallwch holi’r gwylwyr RNLI sydd yno, byddant yn siwr o’ch rhoi ar ben ffordd.  

Er hyn, bydd gennych filltiroedd a milltiroedd o draethau i fynd â’r ci am dro, ac mae tymhorau tawelach y gwanwyn a’r hydref, pan fydd y traethau’n llai prysur, yn adegau perffaith i ddod ar wyliau. Mae Sir Benfro’n croesawu eich cŵn, ond cofiwch fod yn ystyrlon o eraill sy’n defnyddio’r traeth, a chofiwch godi baw eich ci.  

Ewch i’r dudalen lawrlwythiadau er mwyn gweld mapiau o’r ardaloedd gwahardd.  

Chwilio am rywle i fynd â’ch ci am dro?  Dyma Mollie’r ci defaid yn cyfweld chwech o’i ffrindiau lleol er mwyn cael gwybod ble mae eu hoff fannau i fynd am dro yn Sir Benfro.